കുമ്പള: മൊഗ്രാല്‍ പുത്തൂര്‍ ജി.എച്ച്.എസ്.എസിനു സ്വന്തം റേഡിയോ നിലയത്തിലൂടെ വാര്‍ത്തകള്‍ കേള്‍ക്കാം. വിദ്യാലയ റേഡിയോ ആയ മുദ്ധവാണിയുടെ ഉദ്ഘാടനം   ആകാശവാണി കണ്ണൂര്‍ നിലയത്തിന്റെ പ്രോഗ്രാം എക്‌സിക്യുട്ടിവ് പി.വി പ്രശാന്ത് കുമാര്‍ സ്വിച്ച് ഓണ്‍ ചെയ്തു നിര്‍വഹിച്ചു. തുടര്‍ന്ന് ഒന്‍പതാം ക്ലാസ് വിദ്യാര്‍ഥിനി നിഷ ദൂരദര്‍ശന്‍ സംഗീതത്തിന്റെ അകമ്പടിയോടെ പ്രധാന വാര്‍ത്തകള്‍ അവതരിപ്പിച്ചു.
ജില്ലയിലെ തന്നെ വലിയ വിദ്യാലയങ്ങളിലൊന്നായ ജി.എച്ച്.എസ്.എസ്. മൊഗ്രാല്‍ പുത്തൂരില്‍ വിനോദത്തിന്റെയും വിജ്ഞാനത്തിന്റെയും നുറുങ്ങുകളും വാര്‍ത്തകളും സംഗീത പരിപാടികളുമെല്ലാം കൃത്യമായ ഇടവേളകളില്‍ മുഴുവന്‍ വിദ്യാര്‍ത്ഥികള്‍ക്കും ആസ്വദിക്കാന്‍ കഴിയുന്ന തരത്തില്‍ വിപുലമായ പ്രക്ഷേപണ സംവിധാനങ്ങളാണ് ഒരുക്കിയിരിക്കുന്നത്.
പ്രധാനധ്യാപകന്‍ കെ അരവിന്ദ, പി.ടി.എ പ്രസിഡന്റ് പി.ബി അബ്ദുള്‍ റഹ്മാന്‍, മഹ്മൂദ് ബള്ളൂര്‍,മാഹിന്‍ കുന്നില്‍, പി ദീപേഷ് കുമാര്‍, പ്രോഗ്രാം കണ്‍വീനര്‍ എം.എന്‍ രാഘവ, പി രാജേഷ്, പി അശോകന്‍, പി ഷീമ, മിനി തോമസ് തുടങ്ങിയവര്‍ സംബന്ധിച്ചു.