മഞ്ചേരി:റേഷന്‍ വിഹിതം വെട്ടിക്കുറക്കുന്നതിലും  എ.പി.എല്‍ കാര്‍ഡ് ഉടമകള്‍ക്ക് അരിനല്‍കാത്തതിലും പ്രതിഷേധിച്ച് തൃക്കലങ്ങോട് മണ്ഡലം യൂത്ത് കോണ്‍ഗ്രസ് കമ്മിറ്റി 300 കുടുംബങ്ങള്‍ക്ക് സൗജന്യമായി അരി നല്‍കി പ്രതിഷേധിച്ചു.
ജില്ലാ പഞ്ചായത്ത് സ്ഥിരംസമിതി ചെയര്‍മാന്‍ വി. സുധാകരന്‍ ഉദ്ഘാടനം ചെയ്തു. മണ്ഡലം യൂത്ത് കോണ്‍ഗ്രസ് പ്രസിഡന്റ്  ലത്തീഫ് ചെറുകുളം അധ്യക്ഷനായി. റിയാസ് മുക്കോളി മുഖ്യപ്രഭാഷണം നടത്തി. വിജീഷ്, ജയപ്രകാശ് ബാബു, പി. നിധീഷ്, വി. നാരായണന്‍, അനീസ്, നസീര്‍ സംസാരിച്ചു.