മുതുകുളം: അമ്പലപ്പുഴ ഉപജില്ലാ ശാസ്ത്ര-ഗണിത ശാസ്ത്ര-സാമൂഹ്യ ശാസ്ത്ര- ഐടി-പ്രവൃത്തി പരിചയമേള മംഗലം ഗവ ഹൈസ്‌കൂളില്‍ കെസി വേണുഗോപാല്‍ എംപി ഉദ്ഘാടനം ചെയ്തു. മുതുകുളം ബ്‌ളോക്ക് പഞ്ചായത്ത് പ്രസിഡന്റ് അഡ്വ ബിപിന്‍ സി ബാബു അധ്യക്ഷത വഹിച്ചു.
അന്തര്‍ദ്ദേശീയ കായലോര മല്‍സ്യ കൃഷി ഗവേഷണ കേന്ദ്രം ഡയറക്ടര്‍ ഡോ കെജി പത്മകുമാര്‍ മുഖ്യ പ്രഭാഷണം നടത്തി.
ജില്ലാ പഞ്ചായത്ത് അംഗം ബബിതാ ജയന്‍,മുതുകുളം ബ്‌ളോക്ക് പഞ്ചായത്ത് അംഗം ഷംസുദ്ദീന്‍ കായിപ്പുറം, ആറാട്ടുപുഴ ഗ്രാമ പഞ്ചായത്തംഗം വി വിദ്യാധരന്‍, മംഗലംഗവ ഹയര്‍സെക്കന്ററി സ്‌കൂള്‍ പ്രിന്‍സിപ്പല്‍ ആര്‍ പ്രസന്നകുമാരി, ഹെഡ്മിസ്ട്രസ് കുമാരി എസ് അനിത, പിടിഎ പ്രസിഡന്റ് പിഎസ് ബിമല്‍ റോയി, പിടിഎ അംഗം അബ്ദുള്‍സമദ് ,എസ് സുബാഷ്,ബിനു എന്നിവര്‍ പ്രസംഗിച്ചു.
അമ്പലപ്പുഴ ഉപജില്ലാ വിദ്യാഭ്യാസ ഓഫിസര്‍ കെപി കൃഷ്ണദാസ് സ്വാഗതവും ഹെഡ്മാസ്റ്റേഴ്‌സ് ഫോറം സെക്രട്ടറി എ എം നൗഷാദ് നന്ദിയും പറഞ്ഞു. സമാപന സമ്മേളന ഉദ്ഘാടനവും സമ്മാനദാനവും വ്യാഴാഴ്ച വൈകിട്ട് ആലപ്പുഴ ജില്ലാ വിദ്യാഭ്യാസ ഓഫി സര്‍ കെപുഷ്പകുമാരി നിര്‍വ്വഹിക്കും. മംഗലം ഗവ എല്‍പി സ്‌കൂള്‍ പിടിഎ പ്രസിഡന്റ് എംകെറോയി അധ്യക്ഷത വഹിക്കും.