താമരശ്ശേരി: ഈങ്ങാപ്പുഴയില്‍ സി.പി.എം- ലീഗ് സംഘര്‍ഷത്തില്‍ നാലു പേര്‍ക്ക് പരുക്കേറ്റു. ഇന്നലെ വൈകീട്ട് ആറരയോടെയാണ് സംഭവം. അക്രമത്തില്‍ രണ്ടണ്ട് യൂത്ത്‌ലീഗ് പ്രവര്‍ത്തകര്‍ക്കും രണ്ടണ്ട് എസ്.എഫ്.ഐ പ്രവര്‍ത്തകര്‍ക്കും പരുക്കേറ്റു.
യൂത്ത്‌ലീഗ് പുതുപ്പാടി പഞ്ചായത്ത് പ്രസിഡന്റായ ഷംസീര്‍ പോത്താറ്റില്‍ (34), അഷ്‌കര്‍ കൊട്ടാരക്കോത്ത് എന്നിവരെയും എസ്.എഫ്.ഐ പ്രവര്‍ത്തകരായ അജയ്,ഷനീജ് എന്നിവരെയും ഓമശ്ശേരി ശാന്തി ഹോസ്പിറ്റലില്‍ പ്രവേശിപ്പിച്ചു.
എസ്.എഫ്.ഐയില്‍ നിന്ന് രാജിവച്ച് എം.എസ്.എഫില്‍ ചേര്‍ന്ന പ്രവര്‍ത്തകരെ ചൊവ്വാഴ്ച ഡി.വൈ.എഫ്.ഐ പ്രവര്‍ത്തകര്‍ അക്രമിച്ചതില്‍ പ്രതിഷേധിച്ച് എം.എസ്.എഫ് പ്രവര്‍ത്തകര്‍ നടത്തിയ പ്രതിഷേധ പ്രകടനത്തിനെത്തിയവരും ഡി.വൈ.എഫ്.ഐ പ്രവര്‍ത്തകരും തമ്മിലുണ്ടായ വാക്കേറ്റം സംഘര്‍ഷത്തില്‍ കലാശിക്കുകയായിരുന്നു. തുടര്‍ന്ന് ലീഗ് - സി.പി.എം ഓഫിസുകള്‍ക്ക് നേരെയും കല്ലേറുണ്ടണ്ടായി. സംഭവത്തില്‍ പ്രതിഷേധിച്ച്  എല്‍.ഡി.എഫ്  ഇന്ന് ഈങ്ങാപ്പുഴയില്‍ ഹര്‍ത്താല്‍ പ്രഖ്യാപിച്ചിട്ടുണ്ടണ്ട് .
എസ്.എഫ്.ഐ ഏരിയ കമ്മിറ്റി അംഗവും താമരശ്ശേരി ഐ.എച്ച്.ആര്‍.ഡി വിദ്യാര്‍ഥിയുമായ ഷംസീര്‍ കരികുളത്തിന്റെ നേതൃത്വത്തില്‍ പതിനഞ്ചോളം പ്രവര്‍ത്തകര്‍ എം.എസ്.എഫില്‍ ചേരുകയും എസ്.എഫ്.ഐക്കെതിരേ എം.എസ്.എഫ് പ്രതിനിധിയായി മത്സരിച്ച് വിജയിക്കുകയും ചെയ്തിരുന്നു.
ഇതില്‍ പ്രകോപിതരായ ഡി.വൈ.എഫ്.ഐ പ്രവര്‍ത്തകര്‍ അക്രമം അഴിച്ചുവിടുകയാണുണ്ടണ്ടായതെന്ന് ലീഗ് നേതാക്കള്‍ പറഞ്ഞു.