പേരാമ്പ്ര: സില്‍വര്‍ ആര്‍ട്‌സ് ആന്‍ഡ് സയന്‍സ് കോളജില്‍ എസ്.എഫ് ഐ സ്ഥാപിച്ച പതാക നശിപ്പിച്ചുവെന്നാരോപിച്ച് എസ്.എഫ്.ഐ പ്രവര്‍ത്തകര്‍ പേരാമ്പ്ര ബസ് സ്റ്റാന്‍ഡില്‍ അഴിഞ്ഞാടിയത് സംഘര്‍ഷാവസ്ഥ സൃഷ്ടിച്ചു.
എ.ബി.വി.പി പ്രവര്‍ത്തകരാണ് പതാക നശിപ്പിച്ചതെന്നാണ് ആരോപണം. ക്ലാസ് കഴിഞ്ഞ് ബസില്‍ കയറാനെത്തിയ ഏതാനും പ്രവര്‍ത്തകരെ എസ്.എഫ്.ഐക്കാര്‍ വളത്തിട്ടു മര്‍ദിച്ചതാണ് സംഘര്‍ഷത്തില്‍ കലാശിച്ചത്. സംഘര്‍ഷത്തില്‍ യാത്രക്കാര്‍ക്കും മറ്റു വിദ്യാര്‍ഥികള്‍ക്കും പരുക്കേറ്റു.
 സംഭവസ്ഥലത്ത് പൊലിസ് എത്താന്‍ വൈകിയതും യാത്രക്കാരെയും ബസ് കയറാന്‍ നിന്ന വിദ്യാര്‍ഥികളെയും വിരട്ടിയോടിക്കാന്‍ ശ്രമിച്ചതും ഏറെ പ്രതിഷേധത്തിനിടയാക്കി.
 പരുക്കേറ്റവരെ പേരാമ്പ്ര താലൂക്ക് ആശുപത്രിയിലും സ്വകാര്യ ആശുപത്രിയിലും പ്രവേശിപ്പിച്ചു.
എ.ബി.വി.പി പ്രവര്‍ത്തകനായ ശ്യാംലാലിനെ എസ്.എഫ്.ഐ, ഡി.വൈ.എഫ്.ഐ പ്രവര്‍ത്തകര്‍ മാരകായുധങ്ങളുമായി താലൂക്ക് ആശുപത്രിയിലെത്തി ആക്രമിക്കാന്‍ ശ്രമിച്ചതായി  പരാതിയുണ്ട്.