കൊയിലാണ്ടി: ദേശീയപാതയ്ക്കരികെ കക്കൂസ് മാലിന്യം തള്ളിയ പ്രതികളെ പൊലിസ് പിടികൂടി. കൊണ്ടോട്ടി മുതുപറമ്പ് എടത്തൊടി ഷിഹാബുദ്ദീന്‍ (29), മെഡിക്കല്‍ കോളജ് ഉമ്മളത്തൂര്‍ കണ്ണന്‍ (42), പന്നിയങ്കര കൊളക്കാടന്‍ കണ്ടിപറമ്പ് നാസര്‍ (43) എന്നിവരെയാണ് കൊയിലാണ്ടി എസ്.ഐ കെ. സുമിത് കുമാറിന്റെ നേതൃത്തിലുള്ള പൊലിസ് സംഘം പിടികൂടിയത്.
 ഇന്നലെ പുലര്‍ച്ചെ 4.30ഓടെയാണ് സംഭവം. പൊയില്‍ക്കാവ് ഹൈവേ ഹോട്ടലിനു സമീപം മാലിന്യം തള്ളുന്നതിനിടെയാണ് പ്രതികള്‍ പിടിയിലായത്. വാഹനം പൊലിസ് കസ്റ്റഡിയിലെടുത്തു. എസ്.ഐ അശോകന്‍ ചാലില്‍, സി.പി.ഒ മാരായ ഗിരീഷ്, ടി.കെ മനോജ് കുമാര്‍ എന്നിവര്‍ പൊലിസ് സംഘത്തിലുണ്ടായിരുന്നു.