നന്തിബസാര്‍: കഴിഞ്ഞ ഇരുപതോളം ദിവസങ്ങളായി ചിങ്ങപുരം സി.കെ.ജി സ്‌കൂളിലും പരിസരപ്രദേശങ്ങളിലും സി.പി.എം നടത്തിവരുന്ന അക്രമങ്ങള്‍ അവസാനിപ്പിക്കണമെന്നും പൊലിസ് കുറ്റവാളികളെ പിടികൂടണമെന്നും മൂടാടി പഞ്ചായത്ത് എം.എസ്.എഫ് ആവശ്യപ്പെട്ടു.
 സംഭവത്തില്‍  എം.എസ്.എഫ് കോഴിക്കോട് ജില്ലാ കമ്മിറ്റി, കൊയിലാണ്ടി മണ്ഡലം കമ്മിറ്റി, മൂടാടി പഞ്ചായത്ത് മുസ്‌ലിം ലീഗ്, യൂത്ത് ലീഗ് കമ്മിറ്റികള്‍ പ്രതിഷേധിച്ചു. എം.എസ്.എഫ് മൂടാടി പഞ്ചായത്ത് കമ്മിറ്റിയുടെ പരാതിയില്‍ പൊലിസ് സംഭവസ്ഥലം സന്ദര്‍ശിച്ച് അന്വേഷണം ആരംഭിച്ചിട്ടുണ്ട്. കഴിഞ്ഞദിവസങ്ങളിലായി പ്രദേശത്തെയും സ്‌കൂളിലെയും എസ്.എഫ്.ഐ, ഡി.വൈ.എഫ്.ഐ നേതാക്കളെ ചോദ്യം ചെയ്തിരുന്നു.