താമരശ്ശേരി: മുസ്‌ലിംയൂത്ത്‌ലീഗ് സംസ്ഥാന സമ്മേളന പ്രചരണാര്‍ത്ഥം കൊടുവള്ളി മണ്ഡലം യൂത്ത്‌ലീഗ് കമ്മിറ്റി നവംബര്‍ അഞ്ചിന് ഓമശ്ശേരിയില്‍ നടത്തുന്ന സന്ദേശയാത്രയുടെ സമാപന സമ്മേളനത്തിന്റെ സ്വാഗതസംഘം രൂപീകരിച്ചു.
രാവിലെ കട്ടിപ്പാറയില്‍ നിന്ന് തുടങ്ങി വൈകിട്ട് എട്ടിന് ഓമശ്ശേരിയില്‍ സമാപിക്കും. ഓമശ്ശേരി പഞ്ചായത്ത് യൂത്ത്‌ലീഗ് പ്രസിഡന്റ് സൈനുദ്ദീന്‍ കൊളത്തക്കര അധ്യക്ഷത വഹിച്ചു. ബ്ലോക്ക് പഞ്ചായത്ത് വൈസ് പ്രസിഡന്റ് സൂപ്പര്‍ അഹമ്മദ്കുട്ടിഹാജി ഉദ്ഘാടനം ചെയ്തു. മണ്ഡലം യൂത്ത്‌ലീഗ് പ്രസിഡന്റ് ടി.മൊയ്തീന്‍കോയ, സെക്രട്ടറി റഫീഖ് കൂടത്തായി, ട്രഷറര്‍ സി.കെ റസാഖ്, പി.വി റഷീദ് മാസ്റ്റര്‍ സംസാരിച്ചു.
ജന.സെക്രട്ടറി മുനവ്വിര്‍ സാദത്ത് സ്വാഗതവും ട്രഷറര്‍ കെ.കെ സൈനുദ്ദീന്‍ നന്ദിയും പറഞ്ഞു. സ്വാഗതസംഘം ഭാരവാഹികളായി യു.കെ അബു (ചെയര്‍), സൈനുദ്ദീന്‍ കൊളത്തക്കര (ജന.കണ്‍), മുനവ്വര്‍ സാദത്ത് (കണ്‍), കെ.കെ അബ്ദുള്ളക്കുട്ടി (ട്രഷറര്‍) എന്നിവരെ തെരഞ്ഞെടുത്തു