തിരുവനന്തപുരം: തെരുവുനായ വിഷയത്തില്‍ കേന്ദ്ര മന്ത്രി മനേകാ ഗാന്ധിക്കെതിരേ രൂക്ഷ വിമര്‍ശനവുമായി നിയമസഭയില്‍ പ്രതിപക്ഷ നേതാവ് രമേശ് ചെന്നിത്തല.


തെരുവുനായ്ക്കാളുടെ കാര്യം സംസാരിക്കുമ്പോള്‍ മനേകാ ഗാന്ധി ഹിപ്പോക്രാറ്റ് ആയി മാറിയിരിക്കുകയാണെന്ന് ചെന്നിത്തല പറഞ്ഞു.


സംസ്ഥാനത്തെ മുഖ്യമന്ത്രിയെ പോലും അവഗണിച്ച് അവര്‍ സംസാരിക്കുകയാണെന്നും ചെന്നിത്തല പറഞ്ഞു.

ഇങ്ങനെ സംസാരിക്കാന്‍ ആരാണ് അവര്‍ക്ക് അധികാരം നല്‍കിയിരിക്കുന്നതെന്നു ചെന്നിത്തല ചോദിച്ചു.


മനുഷ്യന്‍ കൊല്ലപ്പെടുന്ന സാഹചര്യമാണ് ഉള്ളത്.  അതിനാല്‍ അടിയന്തിരമായി ഇക്കാര്യം പരിഗണിക്കണമെന്നും സഭ നിര്‍ത്തിവച്ച് ചര്‍ച്ചചെയ്യണമെന്നും ചെന്നിത്തല പറഞ്ഞു.


എന്നാല്‍ അവസാന നിമിഷം അടിയന്തിര പ്രമേയത്തിന് നോട്ടിസ് നല്‍കിയതിനാല്‍ ഇന്നു പരിഗണിക്കാന്‍ കഴിയില്ലെന്ന് സ്പീക്കര്‍ അറിയിക്കുകയായിരുന്നു.


തെരുവുനായ്‌ക്കെളെ കൊല്ലുന്നവരെ കാപ്പ ചുമത്തി ജയിലില്‍ അടയ്ക്കണമെന്ന്  മന്ത്രി മനേകാ ഗാന്ധി പറഞ്ഞിരുന്നു.

ചില വ്യവസായികളും തെരുവുനായകളെ കൊല്ലാന്‍ രംഗത്തിറങ്ങിയിട്ടുണ്ട്. ഇവര്‍ മാനസിക വൈകൃതമുള്ളവരാണെന്നും മന്ത്രി ഇന്നലെ പറഞ്ഞിരുന്നു.