റിയാദ്: സംഘര്‍ഷം നടക്കുന്ന സിറിയയില്‍ സമാധാനം നടപ്പാക്കുന്നതിനായി ജനീവ കരാര്‍ ജനീവ ഒന്ന് നടപ്പാക്കണെമന്നു സഊദി അറേബ്യ വീണ്ടും ആവശ്യപ്പെട്ടു. ഇതു മാത്രമാണ് സിറിയയില്‍ സമാധാന പുനഃസ്ഥാപനത്തിനായുള്ള മാര്‍ഗമെന്നു സഊദി രാജാവ് സല്‍മാന്‍ ഇബ്‌നു അബ്ദുല്‍ അസീസ് പറഞ്ഞു. തങ്ങള്‍ സിറിയന്‍ ജനതയോടൊപ്പമാണെന്നും ആഭ്യന്തരപ്രശ്‌നം രൂക്ഷമായ സിറിയ ഇപ്പോഴും അതേ അവസ്ഥയില്‍ തുടരുന്നത് ജനീവ കരാര്‍ നടപ്പാക്കാത്തതു മൂലമാണെന്നും രാജാവ് വ്യക്തമാക്കി.