വടക്കാഞ്ചേരി: സംസ്ഥാന പാതയില്‍ നിയന്ത്രണം വിട്ട മാരുതി കാര്‍ പാസഞ്ചര്‍ ഓട്ടോറിക്ഷയിലും ബൈക്കിലുമിടിച്ച്   ഒരു കുടുംബത്തിലെ നാല് പേരടക്കം അഞ്ച് പേര്‍ക്ക് പരുക്കേറ്റു. വടക്കാഞ്ചേരി ചരല്‍ പറമ്പ്  പാലക്കാടന്‍ വീട്ടില്‍ റീന (30), മക്കളായ ആന്‍മരിയ   (10), അന്നമരിയ(5), അനീറ്റ(3)  ബൈക്ക് യാത്രക്കാരന്‍ സുദേവ്(20) എന്നിവര്‍ക്കാണ് പരുക്കേറ്റത്.   ഇന്നലെ ഉച്ചതിരിഞ്ഞ് മൂന്നരയോടു കൂടി ഊത്രാളി പൂരം വടക്കാഞ്ചേരി വിഭാഗം ഓഫിസിന് മുന്നിലാണ് അപകടം നടന്നത്.  ഗുരുവായൂരില്‍ ഒരു വിവാഹ ചടങ്ങില്‍ പങ്കെടുത്ത് മടങ്ങുകയായിരുന്ന തൃപ്പൂണിത്തറ ഹില്‍ പാലസിന് സമീപം താമസിക്കുന്ന ഗൗരി നന്ദനത്തില്‍ രാജന്‍ ഓടിച്ചിരുന്ന മാരുതി ആള്‍ട്ടോ  കാറാണ്  അപകടത്തില്‍ പെട്ടത്.  ആരുടെയും പരുക്ക് സാരമുള്ളതല്ല വടക്കാഞ്ചേരി സി.ഐ  ടി.എസ് സിനോജിന്റെ  നേതൃത്വത്തിലുള്ള പൊലിസ് സംഘം സ്ഥലത്തെത്തി.