പുതുനഗരം: മീങ്കരകനാലിലേക്ക് ചരക്ക് ലോറി മറിഞ്ഞു. രണ്ടു മണിക്കൂര്‍ ഗതാഗതം സ്തംഭിച്ചു. ചിറ്റൂര്‍ ഭാഗത്തേക്കുപോകുകയായിരുന്ന ചരക്കുകയറ്റിയ മിനിലോറി മറ്റൊരു വാഹനത്തിനു വഴിമാറവെയാണ് കനാലിനകത്തേക്ക് ചരിഞ്ഞത്. അപകടത്തെതുടര്‍ന്ന് ഗതാഗതം തടസപെട്ടിരുന്നു.
പൊലിസ് എത്തി ഗതാഗതം പുനസ്ഥാപിക്കുവാന്‍ ശ്രമം നടത്തിയെങ്കിലും ഫലമുണ്ടായില്ല. ചെരിഞ്ഞുനിന്നിരുന്ന ലോറിയെ ക്രയ്ന്‍ ഉപയോഗിച്ചാണ് പുറത്തെടുത്തത്. കൈവരികള്‍ ഇല്ലാത്ത കനാല്‍ പാലത്തിന് കൈവരികള്‍ നിര്‍മിക്കണമെന്നും മുന്നറിയിപ്പ് ബോര്‍ഡ് സ്ഥാപിക്കണമെന്നും നാട്ടുകാര്‍ ആവശ്യപെട്ടു.