ഇരിട്ടി:രാജ്യാഭിമാനം കാക്കുക ആത്മാഭിമാനം ഉണര്‍ത്തുക എന്ന പ്രമേയത്തില്‍ മുസ്‌ലിം യൂത്ത് ലീഗ് സംസ്ഥാന സമ്മേളനത്തിന്റെ ഭാഗമായി ഇന്നും നാളെയും കാക്കയങ്ങാട് യൂത്ത് ലീഗ് സമ്മേളനം നടക്കുമെന്ന് ഭാരവാഹികള്‍ പത്രസമ്മേളനത്തില്‍ പറഞ്ഞു. രണ്ടണ്ടു ദിവസങ്ങളിലായി നടക്കുന്ന സമ്മേളനത്തില്‍ ഇന്ന് കൊടിമരജാഥ പ്രയാണവും പ്രതിനിധി സമ്മേളനവും നടക്കും. നാളെ വൈകുന്നേരം ഗ്രീന്‍ ഗാര്‍ഡ് പരേഡ്, യുവജന റാലി, പൊതുസമ്മേളനം എന്നിവയും നടക്കും. പരിപാടിയില്‍ യൂത്ത് ലീഗ് ജില്ലാ ഭാരവാഹികള്‍ക്ക് സ്വീകരണം നല്‍കും. സമ്മേളനത്തില്‍ വി.കെ അബ്ദുല്‍ഖാദര്‍ മൗലവി, അഡ്വ.കെ മുഹമ്മദലി, ഇബ്രാഹിം മുണ്ടേണ്ടരി, മൂസാന്‍കുട്ടി നടുവില്‍,നസീര്‍ നല്ലൂര്‍, സമീര്‍ പുന്നാട് തുടങ്ങിയവര്‍ പങ്കെടുക്കും. വാര്‍ത്താസമ്മേളനത്തില്‍ ഒമ്പാന്‍ ഹംസ, നസീര്‍ നല്ലൂര്‍, ടി.കെ മായന്‍, ടി സക്കരിയ്യ, അസ്‌ലം കാക്കയങ്ങാട് പങ്കെടുത്തു.