ഉരുവച്ചാല്‍ : കൊച്ചി മെഡിക്കല്‍ കോളജിലെ രണ്ടണ്ടാം വര്‍ഷ എം.ബി.ബി.എസ് വിദ്യാര്‍ഥിനി ശിവപുരം ആയിഷ മന്‍സിലില്‍ അബൂട്ടിയുടെ മകള്‍ ഷംന തസ്‌നീം ചികിത്സാപിഴവില്‍ മരിച്ചിട്ടു മൂന്നു മാസമായിട്ടും കുടുംബത്തിന് നീതിലഭിക്കാത്തതില്‍ റിയാദ് മട്ടന്നൂര്‍ മണ്ഡലം കെ.എം.സി.സി പ്രതിഷേധിച്ചു. മെറിറ്റില്‍ പ്രവേശനം നേടി ഒരു നാടിന്റെ മുഴുവന്‍ പ്രതീക്ഷയായിരുന്ന ഷംനയുടെ മരണം ഡോക്ടര്‍ മാരുടെ അനാസ്ഥയും  മെഡിക്കല്‍ കോളജിന്റെ കെടുകാര്യസ്ഥതയും കൊണ്ടണ്ടാണെന്നു അന്വേഷണ റിപ്പോര്‍ട്ടു പുറത്തുവന്നിട്ടും ആരോഗ്യവകുപ്പ് സ്വീകരിക്കുന്ന നിഷ്‌ക്രിയത്വം ദുരൂഹമാണ്. ഡോ. ശ്രീകുമാരി അധ്യക്ഷയായ ഈ റിപ്പോര്‍ട്ട് പുറംലോകം കാണരുതെന്ന ശാഠ്യം അണിയറയില്‍ സജീവമാണ്. നിസാര പനിക്ക് വീര്യം കൂടിയ  സേഫ്ട്രിയാക്‌സോണ്‍ കുത്തിവെപ്പ് നല്‍കിയ ഉടന്‍ കുഴഞ്ഞു വീണ  ഷംനക്ക് അടിയന്തിരചികിത്സ നല്‍കാന്‍ ഡോക്ടറുടെ സാന്നിധ്യമോ സംവിധാനങ്ങളോ ഇല്ലാതെ പോയതാണ് ഈ ദാരുണ മരണത്തിനു കാരണമെന്ന് വ്യക്തമാണ്.നീതിവൈകിയാല്‍  പ്രക്ഷോഭമാരംഭിക്കുമെന്ന് കെ.എം.സി.സി ഭാരവാഹികള്‍ അറിയിച്ചു.