കണ്ണൂര്‍: അഞ്ചുകിലോ കഞ്ചാവുമായി യുവാവിനെ പൊലിസ് അറസ്റ്റുചെയ്തു. കാട്ടാമ്പള്ളി കോട്ടക്കുന്ന് നാഫില മന്‍സിലില്‍ പി.സി നുഫൈലിനെ(22) ഇന്നലെ വൈകുന്നേരം പയ്യാമ്പലത്ത് പിടികൂടിയത്. രഹസ്യവിവരത്തെ തുടര്‍ന്നു സി.ഐ കെ.വി വേണുഗോപാലും എസ്.പിയുടെ കീഴിലുള്ള ഷാഡോ പാര്‍ട്ടിയും ചേര്‍ന്നാണു പിടികൂടിയത്. പയ്യാമ്പലം, കണ്ണൂര്‍ സിറ്റി, വളപട്ടണം എന്നിവിടങ്ങളില്‍ വിതരണം ചെയ്യാന്‍ എത്തിച്ച കഞ്ചാവാണു പൊലിസ് പിടികൂടിയത്. ബംഗളൂരില്‍ നിന്നാണു കഞ്ചാവ് എത്തിച്ചതെന്ന് ഇയാള്‍ പൊലിസിനോടു സമ്മതിച്ചു. കൂട്ടുപ്രതിക്കായി പൊലിസ് അന്വേഷണം തുടങ്ങി. പ്രതിയെ ഇന്നു വടകര നര്‍കോട്ടിക് കോടതിയില്‍ ഹാജരാക്കും.