എരുമാട്: കാറിടിച്ച് ആദിവാസി മരിച്ച സംഭവവുമായി ബന്ധപ്പെട്ട് ഒരാള്‍ പൊലിസ് പിടിയില്‍. അയ്യംകൊല്ലി പൂളക്കുണ്ട് സ്വദേശി കരിമ്പന്‍ (50) മരിച്ചതുമായി ബന്ധപ്പെട്ടാണ് അയ്യംകൊല്ലി സ്വദേശി അച്ചുത (61)നെ അമ്പലമൂല പൊലിസ് അറസ്റ്റു ചെയ്തത്. സി.ഐ ലോകനാഥന്‍, എസ്.ഐ മണികണ്ഡന്‍ എന്നിവരുടെ നേതൃത്വത്തിലുള്ള സംഘമാണ് ഇയാളെ പിടികൂടിയത്.
അയ്യംകൊല്ലി-നമ്പ്യാര്‍കുന്ന് പാതയിലെ മാങ്ങമൂലയില്‍ റോഡില്‍ മദ്യലഹരിയില്‍ അബോധാവസ്ഥയില്‍ കിടക്കുകയായിരുന്ന കരിമ്പനെ ഇയാള്‍ ഓടിച്ചിരുന്ന കാര്‍ ഇടിച്ചിരുന്നു. റോഡില്‍ ചാക്ക് കഷ്ണമാണ് കിടക്കുന്നതെന്ന് കരുതിയാണ് വാഹനം കയറ്റിയതെന്ന് അച്ചുതന്‍ പൊലിസിനോട് പറഞ്ഞത്.
ഈമാസം 23ന് രാവിലെയാണ് റോഡില്‍ കരിമ്പന്റെ മൃതദേഹം നാട്ടുകാര്‍ കണ്ടത്.