തൃക്കരിപ്പൂര്‍: സെന്റ് പോള്‍സ് എ.യു.പി സ്‌കൂള്‍ പ്ലാറ്റിനം ജൂബിലി ആഘോഷം നാളെ മുന്‍ മുഖ്യമന്ത്രി ഉമ്മന്‍ ചാണ്ടി ഉദ്ഘാടനം ചെയ്യുമെന്നു സംഘാടക സമിതി ഭാരവാഹികള്‍ വാര്‍ത്താസമ്മേളനത്തില്‍ അറിയിച്ചു. നാളെ രാവിലെ 10.30ന് സ്‌കൂള്‍ ഓഡിറ്റോറിയത്തില്‍ നടക്കുന്ന ചടങ്ങില്‍ എം രാജഗോപാലന്‍ എം.എല്‍.എ അധ്യക്ഷനാകും. ജൂബിലി ആഘോഷ കമ്മിറ്റി വര്‍ക്കിങ് ചെയര്‍മാന്‍ കെ ശ്രീനിവാസന്‍, ജനറല്‍ കണ്‍വീനര്‍ സിസ്റ്റര്‍ ആഗ്‌നസ് മാത്യു, പ്രോഗ്രാം കണ്‍വീനര്‍ പി.യു.സുമതി, സ്വീകരണ കമ്മിറ്റി ചെയര്‍മാന്‍ പി.കുഞ്ഞിക്കണ്ണന്‍, സ്മരണിക കമ്മിറ്റി കണ്‍വീനര്‍ എം.റഫീഖ് തുടങ്ങിയവര്‍ പത്ര സമ്മേളനത്തില്‍ അറിയിച്ചു.  
ഇന്നു വൈകുന്നേരം മൂന്നിനു ടൗണില്‍ വിളംബര ഘോഷയാത്ര നടക്കും.