എടപ്പാള്‍: ശബരിമല സീസണ്‍ ആരംഭിക്കുന്നതിന്റെ മുന്നോടിയായി അപകടങ്ങള്‍ നിയന്ത്രിക്കുന്നതിനായി ചങ്ങരംകുളം പൊലിസ് സ്റ്റേഷനില്‍ യോഗം ചേര്‍ന്നു.സംസ്ഥാന ദേശീയ പാതയോരങ്ങളിലെ അപകടങ്ങള്‍ കുറയ്ക്കുന്നതിനായുള്ള നടപടികള്‍ക്കു യോഗം രൂപം നല്‍കി. പാതയില്‍  കാഴ്ച മറയ്ക്കുന്ന വിധം അനധികൃതമായി സ്ഥാപിച്ച ബോര്‍ഡുകള്‍ നീക്കംചെയ്യാന്‍ തീരുമാനിച്ചു.സ്ഥലങ്ങളുടെ പേരുകളും ദിശയും വ്യക്തമാക്കുന്ന സൂചനാ ബോര്‍ഡുകള്‍ സ്ഥാപിക്കും.
എടപ്പാള്‍, ചങ്ങരംകുളം ടൗണുകളിലെ ഗതാഗതക്കുരുക്ക് ഒഴിവാക്കുന്നതിനായി പരിഷ്‌കാരങ്ങള്‍ നടപ്പാക്കും. അനധികൃത പാര്‍ക്കിങും പാതയോരങ്ങളില്‍ രാത്രികാലങ്ങളില്‍ അനധികൃതമായി വാഹനങ്ങള്‍ നിര്‍ത്തുന്നതു തടയും.
ഇത്തരം വാഹനങ്ങള്‍ക്കെതിരേ നടപടിയെടുക്കും. എസ്. ഐ കെ.പി. മനേഷും വിവിധ രാഷ്ട്രീയ പാര്‍ട്ടി പ്രതിനിധികളും സംഘടനാ ഭാരവാഹികളും യോഗത്തില്‍ പങ്കെടുത്തു.