പെരിന്തല്‍മണ്ണ: സാംസ്‌കാരിക ഘോഷയാത്രയോടെ  മലപ്പുറം സെന്‍ട്രല്‍ സഹോദയ ജില്ലാ കലാമേളക്ക് തുടക്കമായി. 28 മുതല്‍ 30 വരെ  പെരിന്തല്‍മണ്ണ ഐ.എസ്.എസ് സീനിയര്‍ സെക്കന്ററി സ്‌കൂളില്‍ നടക്കുന്ന കലാമേള സ്പീക്കര്‍ പി ശ്രീരാമകൃഷ്ണന്‍ ഉദ്ഘാടനം ചെയ്യും. പെരിന്തല്‍മണ്ണ സി.ഐ ഷാജു കെ എബ്രഹാം സാംസ്‌കാരിക ഘോഷയാത്ര ഫ്‌ളാഗ് ഓഫ് ചെയ്തു.
സ്വാഗത സംഘം ചെയര്‍മാന്‍ അല്‍ശിഫ ഉണ്ണീന്‍, ചമയം ബാപ്പു,  മാനേജ്‌മെന്റ് അസോസിയേഷന്‍ വൈസ് പ്രസിഡന്റ് കല്ലിങ്ങല്‍ മുഹമ്മദലി, സെക്രട്ടറി മജീദ് ഐഡിയല്‍, ട്രഷറര്‍ പത്മകുമാര്‍ ടി.എം, സഹോദയ പ്രസിഡന്റ് ഡോ. കെ.എം മുഹമ്മദ്, സെക്രട്ടറി അനീഷ് കുമാര്‍,  വി മൊയ്തു, എ.വി റഫീഖ്, റഫീഖ് മുഹമ്മദ് തുടങ്ങിയവര്‍ നേതൃത്വം നല്‍കി.
ബാന്റ് മേളം, നാസിക്‌ഡോള്‍, സ്‌കൗട്ട് ആന്‍ഡ് ഗൈഡ്‌സ്, നാടന്‍ കലാരൂപങ്ങള്‍,   മാപ്പിള കലകള്‍,  നിശ്ചല ദൃശ്യങ്ങള്‍ തുടങ്ങി ജില്ലയിലെ വിവിധ സ്‌കൂളുകളിലെ വിദ്യാര്‍ഥികളും അദ്ധ്യാപകരും ബഹുജനങ്ങളും അണി നിരന്ന  വിംമ്പരജാഥയില്‍ പെരിന്തല്‍മണ്ണ ഐ.എസ്.എസ് സീനിയര്‍ സെക്കന്‍ഡറി സ്‌കൂള്‍ ഒന്നാം സ്ഥാനം നേടി.
അല്‍ഫലാസ് ഇംഗ്ലീഷ് സ്‌കൂളിനാണ് രണ്ടാം സ്ഥാനം. നസ്‌റത്ത് സ്‌കൂള്‍ മഞ്ചേരി മൂന്നാം സ്ഥാനം നേടി.
വിജയികള്‍ക്ക് ഉദ്ഘാടനം സമ്മേളനത്തില്‍ ക്യാഷ് പ്രൈസ് വിതരണം ചെയ്തു.