തൊട്ടില്‍പ്പാലം: നവീകരിച്ച ദേവര്‍കോവില്‍ പൂക്കാട് ഉമര്‍ഫാറൂഖ് മസ്ജിദിന്റെ ഉദ്ഘാടനം അസര്‍ നിസ്‌ക്കാരത്തിനു നേതൃത്വം നല്‍കി പാണക്കാട് ഹൈദരലി ശിഹാബ് തങ്ങള്‍ നിര്‍വഹിച്ചു. പള്ളികള്‍ ഇസ്‌ലാമിന്റെ സാംസ്‌കാരിക കേന്ദ്രങ്ങളാണെന്നും അതിന്റെ പവിത്രത കാത്തുസൂക്ഷിക്കാന്‍ വിശ്വാസികള്‍ തയാറാകണമെന്നും പൊതുസമ്മേളനത്തില്‍ സംസാരിക്കവെ തങ്ങള്‍ പറഞ്ഞു.
 വി.എ.സി ഇബ്‌റാഹീം ഹാജി അധ്യക്ഷനായി. പി.കെ നവാസ് മാസ്റ്റര്‍, പി.വി ഹാരിസ്, ഭാസ്‌കരന്‍ മേസ്ത്രി എന്നിവരെ ചടങ്ങില്‍ ആദരിച്ചു. മസ്ജിദ് ഉമറുല്‍ഫാറുഖ് പ്രസിഡന്റ് വി.എ.സി ഇബ്‌റാഹീം ഹാജിക്കുള്ള ശാഖാ എസ്.കെ.എസ്.എസ്.എഫിന്റെ പ്രത്യേക ഉപഹാരം ഹൈദരലി തങ്ങള്‍ കൈമാറി. കൊടക്കല്‍ കോയക്കുഞ്ഞി തങ്ങള്‍, വി.വി മുഹമ്മദലി, സയ്യിദ് ഷറഫുദ്ദീന്‍ ജിഫ്‌രി, സാബിര്‍ ബാഖവി ഇടുക്കി, മുനീര്‍ ഫൈസി ഇര്‍ഫാനി, കെ.ടി അബൂബക്കര്‍ മൗലവി, വി.പി കുഞ്ഞബ്ദുല്ല മാസ്റ്റര്‍, കെ.വി ജമാല്‍, ടി.എം ബഷീര്‍, കെ.കെ ഉമ്മര്‍ മാസ്റ്റര്‍, ടി.എച്ച് അഹമ്മദ്, കെ.പി കുഞ്ഞമ്മദ്, മുസ്തഫ മുസ്‌ലിയാര്‍, ഷൈജല്‍ അഹമ്മദ്, ഒ.കെ റിയാസ് മാസ്റ്റര്‍, പി.കെ കുഞ്ഞബ്ദുല്ല, അഹ്മദ് ദേവര്‍കോവില്‍, കെ. മുകുന്ദന്‍ മാസ്റ്റര്‍, സജീവന്‍ മാസ്റ്റര്‍ സംസാരിച്ചു.
ഒ.വി അഫ്‌നാന്‍ ഹമീദ് ഖിറാഅത്ത് നടത്തി. മജ്‌ലിസുന്നൂറിനു ടി.വി.സി അബ്ദുസ്സമദ്‌ഫൈസി നേതൃത്വം നല്‍കി. മഅ്മൂന്‍ ഹുദവി വണ്ടണ്ടൂര്‍ മുഖ്യപ്രഭാഷണം നടത്തി. എം.കെ കുഞ്ഞമ്മദ് മാസ്റ്റര്‍ സ്വാഗതവും ടി.എം.കെ മൊയ്തു നന്ദിയും പറഞ്ഞു. തുടര്‍ന്ന് മാവണ്ടണ്ടിയൂര്‍ പി അഹമ്മദ് കുട്ടി മൗലവിയുടെ കാഥാപ്രസംഗവും നടന്നു.