താമരശ്ശേരി: ആറുപതിറ്റാണ്ടണ്ടുകാലം താമരശ്ശേരി പബ്ലിക് ലൈബ്രറിയുടെ സാരഥിയും സാമൂഹ്യ സാംസ്‌കാരിക മേഖലയിലെ നിറസാന്നിധ്യവുമായിരുന്ന പി.കെ.ജി വാരിയര്‍ മാസ്റ്ററുടെ ഒന്നാം ചരമവാര്‍ഷികം സൗഹൃദവേദിയുടെയും താമരശ്ശേരി പ്രസ് ക്ലബിന്റെയും ആഭിമുഖ്യത്തില്‍ വിവിധ പരിപാടികളോടെ സംഘടിപ്പിച്ചു.
അനുസ്മരണ സമ്മേളനം സാഹിത്യകാരന്‍ പി.ആര്‍ നാഥന്‍ ഉദ്ഘാടനം ചെയ്തു. സൗഹൃദ വേദി പ്രസിഡന്റ് ടി.ആര്‍.ഒ കുട്ടന്‍ മാസ്റ്റര്‍ അധ്യക്ഷനായി.  
ഗ്രാമപഞ്ചായത്ത് പ്രസിഡന്റ് കെ.സരസ്വതി, മുന്‍ എം.എല്‍.എമാരായ സി.മോയിന്‍കുട്ടി, വി.എം ഉമ്മര്‍ മാസ്റ്റര്‍,  കെ.സി മാമു മാസ്റ്റര്‍, പി.എം ആറ്റക്കോയ തങ്ങള്‍, എ.അരവിന്ദന്‍, ആര്‍.പി ഭാസ്‌കരക്കുറുപ്പ്, എം.പ്രഭാകരന്‍ നമ്പ്യാര്‍, വി.കെ.ഹുസൈന്‍കുട്ടി, എം.ബാലകൃഷ്ണന്‍ നായര്‍, ദേവരാജന്‍,ടി.ഡി സെബാസ്റ്റ്യന്‍,  ഉസ്മാന്‍ പി ചെമ്പ്ര സംസാരിച്ചു. ഗിരീഷ് തേവള്ളി സ്വാഗതവും കെ.വി മുഹമ്മദ് നന്ദിയും പറഞ്ഞു.
രാവിലെ അജയന്‍ കാരാടിയുടെ ചിത്രപ്രദര്‍ശനം നാടകകൃത്ത് ഹുസൈന്‍ കാരാടി ഉദ്ഘാടനം ചെയ്തു. പ്രസ് ക്ലബ്ബ് സെക്രട്ടറി ഉസ്മാന്‍ പി.ചെമ്പ്ര അധ്യക്ഷനായി. മാധ്യമ സെമിനാര്‍ കേരള പ്രസ് അക്കാദമി മുന്‍ ചെയര്‍മാന്‍ എന്‍.പി രാജേന്ദ്രന്‍ ഉദ്ഘാടനം ചെയ്തു. പ്രസ് ക്ലബ് പ്രസിഡന്റ് ടി.ഡി സെബാസ്റ്റ്യന്‍ അധ്യക്ഷത വഹിച്ചു. സി.മോയിന്‍കുട്ടി, പി.പി ഉണ്ണികൃഷ്ണന്‍ സംസാരിച്ചു. സുനില്‍ തിരുവമ്പാടി സ്വാഗതവും കെ.എ ഹര്‍ഷാദ് നന്ദിയും പറഞ്ഞു.