കൊല്ലം: ജില്ലയില്‍ ഉച്ചവരെ കനത്തപോളിംഗ് രേഖപ്പെടുത്തി. 11 മണ്ഡലങ്ങളിലായി 52.41 ശതമാനം പോളിംഗ് നടന്നു. ചാത്തന്നൂര്‍ മണ്ഡലത്തില്‍ പോളിംഗ് അമ്പത് ശതമാനം കവിഞ്ഞു. ഉച്ചയ്ക്ക് മുമ്പുവര മന്ദഗതിയിലായിരുന്ന കുന്നത്തൂരില്‍ ഉച്ചയ്ക്ക് ശേഷം കനത്ത പോളിംഗാണ് രേഖപ്പെടുത്തിയത്. അഞ്ച് മണ്ഡലങ്ങളില്‍ പകുതിയോളം പേര്‍ വോട്ട് രേഖപ്പെടുത്തി. കരുനാഗപ്പള്ളി(48.1), ചവറ(51.23), കുന്നത്തൂര്‍ (49.27), കൊട്ടാരക്കര (45.76), പത്തനാപുരം (48.47), പുനലൂര്‍ (51.26), ചടയമംഗലം (48.9), കുണ്ടറ(50.44), കൊല്ലം (50.23), ഇരവിപുരം (51.5), ചാത്തന്നൂര്‍ (50.1) എന്നിങ്ങനെയാണ് പോളിംഗ് ശതമാനം. കുന്നത്തൂരില്‍ രണ്ടിടത്തുണ്ടായ നേരിയ സംഘര്‍ഷം ഒഴിച്ചാല്‍ ജില്ലയില്‍ ഇതുവരെ തെരഞ്ഞെടുപ്പ് സമാധാനപരമാണ്.