പാലാ: പരാതി നല്‍കുവാന്‍ എത്തിയയാളെ പോലിസ് സ്റ്റേഷന്റെ മുറ്റത്ത് വച്ചു നായ കടിച്ചു .ഇന്നലെ വൈകിട്ട്‌നാലിന് പാലാ പൊലിസ് സ്‌റ്റേഷന്‍ പരിസരത്താണ് സംഭവം.  ഇടപ്പാടി വള്ളിയാന്തടത്തില്‍ സജി(44)ക്കാണ്  കടിയേറ്റത്. സജിയെ പാലാ ജനറല്‍ ആശുപത്രിയിലും പിന്നീട് കൂടുതല്‍ ചികിത്സയ്ക്കായി കോട്ടയം മെഡിക്കല്‍ കോളജ് ആശുപത്രിയിലും പ്രവേശിപ്പിച്ചു. സജിയുടെ സുഹൃത്ത്  ബൈജുവിന്റെ ഓട്ടോറിക്ഷ കഴിഞ്ഞ ദിവസം മറിഞ്ഞിരുന്നു.
ഇതു സംബന്ധിച്ച് പരാതി നല്‍കുവാനാണ് ബൈജുവിനൊപ്പം പൊലിസ് സ്‌റ്റേഷനില്‍ എത്തിയത്. ചില രേഖകള്‍ ലഭിക്കുവാന്‍ കാലതാമസം ഉണ്ടായപ്പോള്‍ പൊലിസ് കാന്റീനില്‍ നിന്ന് ചായ കുടിച്ച ശേഷം സ്‌റ്റേഷനിലേക്ക് തിരികെ എത്തിയപ്പോഴാണ് കടിയേറ്റത്.