കോതമംഗലം: തദ്ദേശ തെരഞ്ഞെടുപ്പില്‍ ഔദ്യോഗിക യു.ഡി.എഫ് സ്ഥാനാര്‍ത്ഥികള്‍ക്കെതിരെ മത്സരിക്കുകയും വിജയിക്കുകയും ചെയ്ത വിമതരെ കോണ്‍ഗ്രസ് തിരിച്ചെടുത്തു. കഴിഞ്ഞ ദിവസം കോട്ടപ്പടി പഞ്ചായത്തില്‍ വിജയിച്ച എല്‍ദോസിനെ തിരിച്ചെടുത്തിരുന്നു. ഇത് കോട്ടപ്പടി പഞ്ചായത്തില്‍ എല്‍ ഡി എഫ്  ഭരണം യു.ഡി.എഫ് പക്ഷത്തിന് ലഭിക്കുമെന്ന സ്ഥിതിയിലാണ്.
ഇതിനു പുറമെ ജോബി ജാേര്‍ജ് കവളങ്ങാട്, ബിജു ചെറിയാന്‍ കീരംപാറ, എ.എ.ഫ്രാന്‍സിസ് കുട്ടമ്പുഴ, ടി.എം. അമീന്‍ പല്ലാരിമംഗലം എന്നിവരെയാണ് ഇപ്പോള്‍ കോണ്‍ഗ്രസില്‍ തിരിച്ചെടുത്തതായി അറിയിച്ചിരിക്കുന്നത്. ഡി.സി.സി പ്രസിഡന്റിന് ഇവര്‍ നല്‍കിയ കത്തിന്റെ അടിസ്ഥാനത്തിലാണ് ഇവരെ പാര്‍ട്ടിയില്‍ തിരികെ എടുക്കാന്‍ ധാരണയായത്.