മണ്ണഞ്ചേരി: ദീപാരാധനയ്‌ക്കെത്തിയ ഭക്തനെ ക്ഷേത്രകുളത്തില്‍ മരിച്ചനിലയില്‍ കണ്ടെത്തി. വലീയകലവൂര്‍ ശ്രീകൃഷ്ണക്ഷേത്രത്തിലെ കുളത്തിലാണ് മൃതദേഹം കണ്ടെത്തിയത്. മണ്ണഞ്ചേരി പഞ്ചായത്തില്‍ 13 -ാം വാര്‍ഡില്‍ കവിതാഭവനത്തില്‍ ഓമനക്കുട്ടന്‍പിള്ളയാണ് മരിച്ചത്.
  ഇയാള്‍ വൈകുന്നേരം 6.30 ഓടെ ക്ഷേത്രദര്‍ശനത്തിനായി പോയതായി ബന്ധുക്കള്‍ പറഞ്ഞു. പൊതുമേഖലാ ഔഷധനിര്‍മ്മാണശാലയായ കെ.എസ്.ഡി.പി യിലെ റിട്ടേയ്ഡ് ജീവനക്കാരനാണ്. മണ്ണഞ്ചേരി പൊലീസ് എത്തി പരിശോധനയ്ക്കുശേഷം മൃതദേഹം ആലപ്പുഴ മെഡിക്കല്‍ കോളേജ് ആശുപത്രി മോര്‍ച്ചറിയിലേക്ക് മാറ്റി. ഇന്ദിരയാണ് ഭാര്യ.മക്കള്‍: കവിത,സവിത,ഹരി.