വില്‍പന നടത്തിയ രണ്ടുപേര്‍ പിടിയില്‍അമ്പലപ്പുഴ: സ്‌കൂള്‍, കോളേജ് വിദ്യാര്‍ത്ഥികള്‍ക്ക് കഞ്ചാവ് എത്തിച്ചു നല്‍കുന്ന രണ്ട് യുവാക്കള്‍ അറസ്റ്റില്‍. ആലപ്പുഴ വട്ടയാല്‍ വാര്‍ഡില്‍ പുത്തന്‍പറമ്പ് വീട്ടില്‍ ഷെഫീക്കിന്റെ മകന്‍ നൗഫല്‍ (20), ആലപ്പുഴ  ആലിശേരി വാര്‍ഡില്‍ റഹീം മന്‍സില്‍ അബ്ദുല്‍ റഷീദിന്റ മകന്‍ അജ്മല്‍ (21) എന്നിവരെയാണ് ആലപ്പുഴ എക്‌സൈസ് റേഞ്ച് ഇന്‍സ്‌പെക്ടര്‍ കെ.പി സുചിത്തിന്റെ നേതൃത്വത്തിലുള്ള എക്‌സൈസ് സംഘം പിടികൂടിയത്.
പട്ടണത്തിലെ ഒരു സ്‌കൂളിന് സമീപത്ത് വിദ്യാര്‍ത്ഥികള്‍ക്ക് കഞ്ചാവ് വില്‍പ്പന നടത്തുന്നു എന്ന രഹസ്യവിവരത്തെ തുടര്‍ന്ന് എക്‌സൈസ് സംഘം എത്തുകയായിരുന്നു. പിടികൂടിയ പ്രതികളില്‍നിന്നും കഞ്ചാവ് പൊതികള്‍ പിടിച്ചെടുത്തു. പ്രതികളെ അമ്പലപ്പുഴ കോടതിയില്‍ ഹാജരാക്കി. ഇവരില്‍നിന്നും കിട്ടിയ വിവരമനുസരിച്ച് കഞ്ചാവുമാഫിയിലെ മുഖ്യ പ്രതിക്കുവേണ്ടി അന്വേഷണം ഊര്‍ജ്ജിതമാക്കി. പ്രിവന്റീവ് ഓഫീസര്‍ എച്ച് നാസര്‍, സിവില്‍ എക്‌സൈസ് ഓഫീസര്‍മാരായ പി.എ.അനില്‍കുമാര്‍, ബിയാസ്, അഭിലാഷ്, സാബു, പ്രസന്നന്‍ എന്നിവരും  സംഘത്തിലുണ്ടായിരുന്നു.