കൊല്ലം: ജില്ലയില്‍ കുടുംബശ്രീ എന്‍ .ആര്‍. എല്‍ .എം പദ്ധതിയുടെ ഭാഗമായി എസ് .ടി ജില്ലാ കോഓര്‍ഡിനേറ്റര്‍, എസ് .ടി ഫീല്‍ഡ് അനിമേറ്റര്‍ തസ്തികകളില്‍ താല്‍ക്കാലിക ഒഴിവുണ്ട്. അഭിമുഖം നവംബര്‍ അഞ്ചിന് നടക്കും.
ജില്ലാ കോഓര്‍ഡിനേറ്റര്‍ തസ്തികയിലേക്ക് ഏതെങ്കിലും അംഗീകൃത യൂനിവേഴ്‌സിറ്റിയില്‍ നിന്നുള്ള റഗുലര്‍ ബിരുദമുള്ള കുടുംബശ്രീ സംഘടിപ്പിച്ച എം. എല്‍. പി യില്‍ പങ്കെടുത്ത പട്ടിക വിഭാഗക്കാരെയും ഫീല്‍ഡ് അനിമേറ്റര്‍ തസ്തികയിലേക്ക് പ്ലസ് ടൂ യോഗ്യതയുള്ള കുടുംബശ്രീ എം. എല്‍ .പി യില്‍ പങ്കെടുത്ത പട്ടിക വിഭാഗത്തില്‍ നിന്നുള്ളവരെയുമാണ് പരിഗണിക്കുന്നത്.
കമ്പ്യൂട്ടര്‍ പരിജ്ഞാനവും, മലയാളം,ഇംഗ്ലീഷ് ഭഷാ പ്രാവീണ്യവും, സാമൂഹിക വികസന പദ്ധതികളുടെ പരിചയവും യാത്ര ചെയ്യാനുള്ള താത്പര്യവും രണ്ട് തസ്തികള്‍ക്കും അധിക യോഗ്യതയായി പരിഗണിക്കും.താല്‍പര്യമുള്ളവര്‍  രേഖകള്‍ സഹിതം  രാവിലെ 10ന് സിവില്‍ സ്റ്റേഷനിലെ കുടുംബശ്രീ ജില്ലാ മിഷന്‍ ഓഫിസില്‍ എത്തണം. ഫോണ്‍: 04742794692.