ഗൂഡല്ലൂര്‍: ജാമിഅ ജൂനിയര്‍ഫെസ്റ്റിന്റെ മേഖലാ മത്സരങ്ങള്‍ക്ക് വര്‍ണാഭമായ തുടക്കം. വയനാട്, നീലഗിരി, നിലമ്പൂര്‍ മേഖലകളിലെ 11 സ്ഥാപനങ്ങളില്‍നിന്ന് തെരഞ്ഞെടുക്കപ്പെട്ട മൂന്നൂറോളം പ്രതിഭകളാണ് ഗൂഡല്ലൂര്‍ താലൂക്ക് മുസ്‌ലിം യതീംഖാനയില്‍ നടക്കുന്ന ഈസ്റ്റ് സോണ്‍ മത്സരത്തില്‍  മാറ്റുരയ്ക്കുന്നത്. സബ്ജൂനിയര്‍ , ജൂനിയര്‍ ഹയര്‍ സെക്കന്‍ഡറി, ജൂനിയര്‍ സെക്കന്‍ഡറി, സീനിയര്‍ വിഭാഗങ്ങളിലായി 76 ഇനങ്ങളിലാണ് മത്സരം.
ജി.ടി.എം.ഒ ഹാളില്‍ നടന്ന ഉദ്ഘാടനച്ചടങ്ങില്‍ ജി.ടി.എം.ഒ പ്രസിഡന്റ് കെ.പി മുഹമ്മദ് ഹാജി അധ്യക്ഷനായി.
സമസ്ത കേരള ജംഇയ്യത്തുല്‍ ഉലമ കേന്ദ്ര മുശാവറ അംഗം കെ.ടി ഹംസ മുസ്്‌ലിയാര്‍ വയനാട് ഉദ്ഘാടനം ചെയ്തു. അബ്ദുല്‍ ബാരി ഹാജി, കെ. എച്ച് കോട്ടപ്പുഴ, ബാപ്പു ഹാജി, കുഞ്ഞാവ ഹാജി, കുട്ടിപ്പ ഹാജി, എസ്. മുഹമ്മദലി, പി.കെ.എം ബാഖവി, ശരീഫ് ദാരിമി, ഉസ്മാന്‍ ദാരിമി, സലീം സ്വിദ്ദീഖി പൊടിയാട്, അബ്ദുല്‍ സലാം മാസ്റ്റര്‍, എം.സി സൈതാലി മൗലവി, ഹനീഫ ഫൈസി പ്രസംഗിച്ചു.