ജാംനഗര്‍: ഗുജറാത്തിലെ ജാംനഗറില്‍ നിന്നുള്ള ബി.ജെ.പി എം.പി പൂനംബെന്നിനു അഴുക്കുചാലില്‍ വീണു പരുക്കേറ്റു. പത്തടിയോളം താഴ്ച്ചയുള്ള ഓടയില്‍ വീണ എം.പിയുടെ തലക്കാണ് പരുക്കേറ്റത്.
സ്വന്തം മണ്ഡലമായ ജാംനഗറിലെ പുറമ്പോക്ക് ഭൂമിയില്‍ കഴിയുന്ന ചേരി നിവാസികള്‍ നല്‍കിയ പരാതിയെക്കുറിച്ച് അന്വേഷിക്കാന്‍ എത്തിയതായിരുന്നു എം.പിയും സംഘവും.

ചേരിയിലെത്തിയ പൂനംബെന്നും സംഘത്തിലുള്ളവരും അഴുക്ക് ചാല്‍ മൂടിയിരുന്ന കോണ്‍ക്രീറ്റ് സ്ലാബിനു മുകളില്‍ നിന്നു സംസാരിക്കവേ ദ്രവിച്ചിരുന്ന സ്ലാബ് പൊട്ടി എം.പിയും മറ്റുള്ളവരും ഓടയില്‍ വീഴുകയായിരുന്നു. ഇവരെ സമീപമുള്ള ആശുപത്രിയില്‍ പ്രവേശിപ്പിച്ചു.