ജംഷഡ്പൂര്‍: ചത്തീസ്ഗഢിനെതിരായ രഞ്ജി പോരാട്ടത്തില്‍ ബൗളര്‍മാരുടെ മികവില്‍ കേരളത്തിനു മുന്‍തൂക്കം. ആദ്യ ഇന്നിങ്‌സില്‍ 207 റണ്‍സില്‍ കേരളത്തിന്റെ ഒന്നാം ഇന്നിങ്‌സ് അവസാനിപ്പിച്ച ചത്തീസ്ഗഢിനു ബാറ്റിങ് തകര്‍ച്ച. രണ്ടാം ദിനം കളി അവസാനിക്കുമ്പോള്‍ അവര്‍ ഒന്‍പതു വിക്കറ്റ് നഷ്ടത്തില്‍ 179 റണ്‍സെന്ന നിലയില്‍ പരുങ്ങുന്നു. ഒരു വിക്കറ്റ് ശേഷിക്കെ കേരളത്തിന്റെ സ്‌കോറിനൊപ്പമെത്താന്‍ ചത്തീസ്ഗഢിനു 28 റണ്‍സ് കൂടി വേണം.