കൃഷ്ണഗിരി (വയനാട്): കൃഷ്ണഗിരി ക്രിക്കറ്റ് സ്റ്റേഡിയത്തില്‍ നടക്കുന്ന രഞ്ജി മത്സരത്തില്‍ വിദര്‍ഭക്കെതിരേ ജാര്‍ഖണ്ഡിന് 257 റണ്‍സിന്റെ ഒന്നാം ഇന്നിങ്‌സ് ലീഡ്. രണ്ടാം ദിനം ഒന്നിനു 146 എന്ന സ്‌കോറുമായി ബാറ്റിങ് ആരംഭിച്ച  ജാര്‍ഖണ്ഡ് എട്ടിന് 362 എന്ന സ്‌കോറില്‍ ആദ്യ ഇന്നിങ്‌സ് ഡിക്ലയര്‍ ചെയ്തു. ജാര്‍ഖണ്ഡിനു വേണ്ടി ഇഷാങ്ക് ജഗ്ഗി സെഞ്ച്വറി (112 നോട്ടൗട്ട്) നേടി. രണ്ടാം ഇന്നിങ്‌സില്‍ ബാറ്റിങ് ആരംഭിച്ച വിദര്‍ഭ വിക്കറ്റ് നഷ്ടം കൂടാതെ 48 റണ്‍സ് എന്ന നിലയില്‍. രണ്ടാം ദിനം കളിയവസാനിക്കുമ്പോള്‍ ജാര്‍ഖണ്ഡിന്റെ ഒന്നാം ഇന്നിങ്‌സ് സ്‌കോറിനേക്കാള്‍ 209 റണ്‍സ് പിറകിലാണ് വിദര്‍ഭ.