കോഴിക്കോട്: സാഹിത്യകാരന്മാര്‍ക്കും, റോഡിലൂടെ പോകുന്ന വഴിയാത്രക്കാര്‍ക്കും, തെരുവിലലയുന്നവര്‍ക്കുമെല്ലാം കാന്‍വാസില്‍ തങ്ങളുടെ രചനകള്‍ കോറിയിടാന്‍ അവസരമൊരുക്കി വിസ്മയ കോളജ് ഓഫ് അനിമേഷന്‍ വിദ്യാര്‍ഥികളുടെ ആര്‍ക്കും വരയ്ക്കാവുന്ന കാന്‍വാസ്. ലോക അനിമേഷന്‍ ദിനാചരണത്തിന്റെ ഭാഗമായാണ് വിദ്യാര്‍ഥികള്‍ കാന്‍വാസ് ഒരുക്കിയത്. വൈക്കം മുഹമ്മദ് ബഷീര്‍, യു കെ കുമാരന്‍, എം.ടി വാസുദേവന്‍ നായര്‍, എസ്.കെ പൊറ്റെക്കാട്, സുഭാഷ് ചന്ദ്രന്‍ എന്നിവരുടെ കഥാപാത്രങ്ങളെല്ലാം കാന്‍വാസില്‍ അണിനിരന്നു.
പ്രിന്‍സിപ്പല്‍ നിഷ റാം പരിപാടി ഉദ്ഘാടനം ചെയ്തു. അധ്യാപകരായ സുഭാഷ് ചന്ദ്രന്‍, ഫാരിസ് കണ്ടോത്ത്, പി മുസ്തഫ തുടങ്ങിയവര്‍ പങ്കെടുത്തു.