പേരാമ്പ്ര: വടകര റോഡ് ജങ്ഷന്‍ പരിസരത്ത് കാര്‍ നിയന്ത്രണംവിട്ട് കടകളിലേക്കു പാഞ്ഞുകയറി. യാത്രക്കാര്‍ അത്ഭുതകരമായി രക്ഷപ്പെട്ടു.
സംസ്ഥാനപാതയില്‍ പഴയ പൊലിസ് സ്റ്റേഷനു സമീപത്തെ കറോണ ഫുട്‌വേര്‍, ഫൈന്‍ ഗോള്‍ഡ് എന്നീ സ്ഥാപനങ്ങളുടെ വരാന്തയിലേക്കാണ് കാര്‍ പാഞ്ഞുകയറിയത്.
കോഴിക്കോട് ഭാഗത്തുനിന്ന് വരികയായിരുന്ന കെ.എല്‍  18 എം. 1296 സ്വിഫ്റ്റ് കാറാണ് വെള്ളിയാഴ്ച പുലര്‍ച്ചെ രണ്ടോടെ അപകടം വരുത്തിയത്. ഡ്രൈവര്‍ ഉറങ്ങിപ്പോയതാണ് കാര്‍ നിയന്ത്രണം വിടാന്‍ കാരണം. കാറിന്റെ  മുന്‍ഭാഗവും ഇരുസ്ഥാപനങ്ങളുടെയും വരാന്തയില്‍ സ്ഥാപിച്ച സ്റ്റീല്‍ ഡെക്കറേഷനും മേല്‍ഭാഗത്തെ ഷീറ്റും തകര്‍ന്നിട്ടുണ്ട്.