പെരിന്തല്‍മണ്ണ: ഒറവംപുറം മഹല്ലില്‍ പ്രവര്‍ത്തിച്ച് വരുന്ന ഇസ്‌ലാമിക് സെന്ററിന്റെ രണ്ടണ്ടാം വാര്‍ഷികത്തോടനുബന്ധിച്ച് നടക്കുന്ന ത്രിദിന മതപ്രഭാഷണം ഒറവംപുറം മീറാസുല്‍ അമ്പിയാ മദ്‌റസ കാമ്പസില്‍ ഇന്ന് തുടങ്ങും. വൈകീട്ട് ഏഴിന് സമസ്ത ജനറല്‍ സെക്രട്ടറി കെ ആലിക്കുട്ടി മുസ്‌ലിയാര്‍ ഉദ്ഘാടനം ചെയ്യും. എസ്.കെ.എസ്.എസ്.എഫ് സംസ്ഥാന ജനറല്‍ സെക്രട്ടറി സത്താര്‍ പന്തല്ലൂര്‍, റഹ്മത്തുള്ളാ ഖാസിമി മുത്തേടം പ്രഭാഷണം നടത്തും.
30ന് വൈകീട്ട് ഏഴിന് നടക്കുന്ന പ്രഭാഷണം പാണക്കാട് സയ്യിദ് സാദിഖലി ശിഹാബ് തങ്ങള്‍ ഉദ്ഘാടനം ചെയ്യും. എം.എം നൗഷാദ് ബാഖവി ചിറയിന്‍കീഴ് പ്രഭാഷണം നടത്തും. 31ന് ഹജ്ജ് കമ്മിറ്റി ചെയര്‍മാന്‍ കോട്ടുമല ടി.എം ബാപ്പു മുസ്‌ലിയാര്‍ ഉദ്ഘാടനം ചെയ്യും. അല്‍ഹാഫിള് അഹമ്മദ് കബീര്‍ ബാഖവി കാഞ്ഞാര്‍ പ്രഭാഷണം നടത്തും.
രണ്ടണ്ടാം വാര്‍ഷികത്തോടനുബന്ധിച്ച് സഹചാരി സെന്റര്‍ ഉദ്ഘാടനം, അവാര്‍ഡ്ദാനം, ധനസഹായ വിതരണം, ആദരിക്കല്‍ തുടങ്ങിയ വിവിധ പരിപാടികള്‍ നടക്കും.