കണ്ണൂര്‍: കണ്ണൂര്‍ ഗവ. ടീച്ചര്‍ ട്രെയിനിങ് ഇന്‍സ്റ്റിറ്റ്യൂട്ടില്‍ ഒരുക്കിയ മോഹനന്‍ ചാലാട് മെമ്മോറിയല്‍ ആര്‍ട്ട് ഗാലറി നാളെ വൈകുന്നേരം മൂന്നിന് മന്ത്രി സി രവീന്ദ്രനാഥ് ഉദ്ഘാടം ചെയ്യും. മന്ത്രി രാമചന്ദ്രന്‍ കടന്നപ്പള്ളി അധ്യക്ഷനാവും. ഒരാഴ്ച മോഹനന്‍ ചാലാടിന്റെ ചിത്രങ്ങളുടെ പ്രദര്‍ശനം നടക്കും. പൊതുജനങ്ങള്‍ക്ക് കാണാന്‍ അവസരമുണ്ടാകും. നവംബര്‍ നാലിന് ഉച്ചയ്ക്ക് രണ്ടിന് കലയും പ്രതിരോധവും എന്ന വിഷയത്തില്‍ സെമിനാറും നടക്കും. ഡോ. എ.ടി മോഹന്‍രാജ് സംസാരിക്കും. വാര്‍ത്താസമ്മേളനത്തില്‍ പ്രിന്‍സിപ്പല്‍ പി.ആര്‍ വസന്തകുമാര്‍, കെ.കെ പ്രകാശന്‍, സതീശന്‍ തോപ്രത്ത്, എം രാധാകൃഷ്ണന്‍, സി മോഹനന്‍ പങ്കെടുത്തു.