വിരാജ്‌പേട്ട: പ്രണയിച്ച് വിവാഹിതയായ യുവതി കഴിഞ്ഞ ദിവസം ആത്മഹത്യചെയ്ത സംഭവത്തില്‍ പൊലിസ് കേസെടുത്തു.  വീരാജ്‌പേട്ട തെലുഗറ ബീധിയിലെ  മനോജ് -സമീന   ദമ്പതികളുടെ മകള്‍ കൗഷിക് (20) അമിതമായി രക്ത സമ്മര്‍ദ്ദത്തിനായുള്ള ഗുളിക കഴിച്ച് ആത്മഹത്യ ചെയ്യുകയായിരുന്നു.
സിദ്ധാപുരത്തെ ഇലക്ട്രിക്‌സ് ജോലി ചെയ്യുന്ന രാജു എന്ന ഷാജി (23)വുമായി  പ്രേമത്തിലായിരുന്ന യുവതി  മൂന്ന് മാസം മുമ്പാണ് വിവാഹിതയായത്.
യുവതിയെ വിരാജ്‌പേട്ടയിലെ സര്‍ക്കാര്‍ ആശുപത്രിയില്‍ പ്രാഥമിക ചികിത്സ നല്‍കിയ ശേഷം മടിക്കേരി ജില്ലാ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല.
യുവതി  മരിക്കുന്നതിനു  മുന്‍പ്  ഭര്‍തൃവീട്ടുകാര്‍ തന്നെ മാനസികമായി പീഡിപ്പിച്ചിരുന്നുവെന്ന് പൊലിസില്‍ മൊഴിനല്‍കിയിട്ടുണ്ട്. സംഭവത്തില്‍ വിരാജ്‌പേട്ട പൊലിസ് കേസെടുത്തു.