തളിപ്പറമ്പ് : ഇന്ത്യന്‍ സാമൂഹിക പരിഷ്‌കര്‍ത്താക്കളില്‍ പ്രമുഖനായ സര്‍സയ്യിദ് അഹമ്മദ്ഖാന്‍ ജനാധിപത്യ സംസ്‌കൃതിയുടെ നാനാത്വത്തെ ഉള്‍ക്കൊണ്ട സാമൂഹിക പരിഷ്‌ക്കര്‍ത്താവാണെന്ന് അലിഗഡ് സര്‍വ്വകലാശാലാ മലപ്പുറം സെന്റര്‍ ഡയരക്ടര്‍ ഡോ.ടി.എന്‍.സതീശന്‍ അഭിപ്രായപ്പെട്ടു. ജനാധിപത്യ മതേതര വിദ്യാഭ്യാസ മേഖലയ്ക്ക് അഹമ്മദ്ഖാന്‍ നല്‍കിയ സംഭാവന വരുംതലമുറ ഏറ്റെടുക്കുമെന്നും അദ്ദേഹം കൂട്ടിച്ചേര്‍ത്തു. സര്‍സയ്യിദ് കോളജ് ചരിത്ര വിഭാഗം സംഘടിപ്പിച്ച സര്‍ സയ്യിദ് ഡെ 2016 സെമിനാര്‍ ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
സര്‍ സയ്യിദ് കോളജ് മാനേജര്‍ അഡ്വ.പി.മഹമ്മൂദ് അധ്യക്ഷത വഹിച്ച ചടങ്ങില്‍ കോളജ് ഗവേണിങ് ബോഡി ചെയര്‍മാന്‍ കെ.അബ്ദുള്‍ ഖാദര്‍, സ്റ്റാഫ് അസോസിയേഷന്‍ സെക്രട്ടറി മഹേഷ് കെ.വി, നോണ്‍ ടീച്ചിങ്ങ് സ്റ്റാഫ് മുഹമ്മദ് ഇഖ്ബാല്‍, കോളേജ് യൂണിയന്‍ ചെയര്‍മാന്‍ അന്‍വര്‍ ഷക്കീര്‍  എന്നിവര്‍ സംസാരിച്ചു.