പയ്യന്നൂര്‍: എസ്.കെ.എസ്.എസ്.എഫ് പയ്യന്നൂര്‍ മേഖലാ പ്രവര്‍ത്തക ക്യാംപ് 'മദീന പാഷന്‍ 2016' ഇന്നും നാളെയുമായി പയ്യന്നൂരിലും പിലാത്തറയിലുമായി നടക്കും.
പയ്യന്നൂര്‍ ടൗണ്‍ സ്‌ക്വയറില്‍ ഇന്ന് വൈകുന്നേരം നാലിന് പാണക്കാട് ഹമീദലി ശിഹാബ് തങ്ങള്‍ ക്യാംപ് ഉദ്ഘാടനം ചെയ്യും. നാസര്‍ ഫൈസി കൂടത്തായി മുഖ്യ പ്രഭാഷണം നടത്തും.  ബഷീര്‍ അസ്അദി നമ്പ്രം അധ്യക്ഷനാകും. നാളെ രാവിലെ മുതല്‍ പിലാത്തറ സിറാജുല്‍ ഇസ്ലാം മദ്രസയില്‍ നടക്കുന്ന ക്യാംപില്‍ വിവിധ സെഷനുകളില്‍ കെ.പി.പി. തങ്ങള്‍, സത്താര്‍ പന്തലൂര്‍, അബ്ദുള്‍ ഹമീദ് ഫൈസി അമ്പലക്കടവ് എന്നിവര്‍ ക്ലാസെടുക്കും.  
വൈകുന്നേരം സമാപന സമ്മേളനം ശഫീഖ് അസ്അദിയുടെ അധ്യക്ഷതയില്‍ പാണക്കാട് റഷീദ് അലി ശിഹാബ് തങ്ങള്‍ ഉദ്ഘാടനം ചെയ്യും