മട്ടാഞ്ചേരി: മുണ്ടംവേലി സാന്താമരിയ സ്‌കൂള്‍ മൈതാനിയില്‍ നടന്ന സാന്താ മരിയ സോക്കര്‍ ഫെസ്റ്റില്‍ കോട്ടയം, വെല്ലൂര്‍, ഭവന്‍സ് ന്യൂസ് പ്രിന്റ് വിദ്യാലയ ചാമ്പ്യന്‍മാരായി. ഫൈനലില്‍ കൊച്ചി നേവി ചില്‍ഡ്രന്‍സ് സ്‌കൂളിനെ ഒന്നിനെതിരേ നാലു ഗോളുകള്‍ക്ക് പരാജയപ്പെടുത്തിയാണ് ഇവര്‍ ജേതാക്കളായത്.
20 സ്‌കൂളുകള്‍ പങ്കെടുത്ത മത്സരം കേരള ഫുട്‌ബോള്‍ അസോസിയേഷന്‍ പ്രസിഡന്റ് പി.അനില്‍കുമാര്‍ ഉദ്ഘാടനം ചെയ്തു. സമാപന ചടങ്ങില്‍ ജില്ലാ ഫുട്‌ബോള്‍ അസോസിയേഷന്‍ വൈസ് പ്രസിഡന്റ് കെ.ഗോകുലന്‍ സമ്മാനദാനം നിര്‍വഹിച്ചു.
സാന്താ മരിയ സ്‌കൂള്‍ പ്രിന്‍സിപ്പാല്‍ സിസ്റ്റര്‍ റോസമ്മ അധ്യക്ഷത വഹിച്ചു. മാനേജര്‍ സിസ്റ്റര്‍ ബീന, എം റോഷന്‍ എന്നിവര്‍ സംസാരിച്ചു.