ചെറുവത്തൂര്‍: പിലിക്കോട് സെന്റ് മേരീസ് ദേവാലയത്തില്‍ തിരുനാള്‍ ആഘോഷത്തിനു ഇടവക വികാരി ഫാദര്‍ സെബാസ്റ്റ്യന്‍ കുന്നപ്പള്ളിയില്‍ കോടിയേറ്റി. ദിവ്യബലിക്കു പയ്യന്നൂര്‍ കേളോത്ത് അമലോത്ഭവ മാതാ ദേവാലയ വികാരി ഫാദര്‍ ക്രിസ്റ്റി മുഖ്യ കാര്‍മികത്വം വഹിച്ചു. ഇന്നു വൈകുന്നേരം അഞ്ചിനു നടക്കുന്ന ദിവ്യബലിക്കു തൃക്കരിപ്പൂര്‍ സെന്റ് പോള്‍സ് പള്ളി വികാരി ഫാദര്‍ ജോസഫ് തണ്ണിക്കോട്ട് കാര്‍മികത്വം വഹിക്കും. തുടര്‍ന്നു ദീപാലംകൃത പ്രദക്ഷിണം. തിരുനാള്‍ ദിനമായ നാളെ രാവിലെ 10നു നടക്കുന്ന സമൂഹ ബലിക്ക് കണ്ണൂര്‍ രൂപത പ്രോക്യുറേറ്റര്‍ ഫാദര്‍ ജോര്‍ജ് പൈനാടത്ത് മുഖ്യകാര്‍മികത്വം വഹിക്കും.