ചെന്നൈ: തമിഴ്‌നാട് ഉപതെരഞ്ഞെടുപ്പില്‍ മത്സരിക്കുന്ന എ.ഐ.എ.ഡി.എം.കെ സ്ഥാനാര്‍ഥികള്‍ സമര്‍പ്പിച്ച നാമനിര്‍ദ്ദേശ പത്രികയില്‍ ഒപ്പിനു പകരം വിരലടയാളം പതിപ്പിച്ച് മുഖ്യമന്ത്രി ജയലളിത.

തമിഴ്‌നാട്ടില്‍ മൂന്നിടങ്ങളിലാണ് നവംബര്‍ 19 ന് ഉപതെരഞ്ഞെടുപ്പ് നടക്കാനിരിക്കുന്നത്. തെരഞ്ഞെടുപ്പ് ചട്ടപ്രകാരം സ്ഥാനാര്‍ഥികള്‍ സമര്‍പ്പിക്കുന്ന പത്രികയില്‍ പ്രതിനിധീകരിക്കുന്ന പാര്‍ട്ടിയുടെ നേതാവിന്റെ ഒപ്പോ വിരലടയാളമോ വേണമെന്ന നിര്‍ദ്ദേശമുണ്ട്. ഇതിനെ തുടര്‍ന്നാണ് ജയലളിതയുടെ വിരലടയാളം പതിപ്പിച്ചത്.

ഇക്കഴിഞ്ഞ സെപ്തംബര്‍ 22 നാണ് ജയലളിതയെ അസുഖബാധിതയായി ചെന്നൈ അപ്പോളോ ആശുപത്രിയില്‍ പ്രവേശിപ്പിച്ചത്. വലതു കൈ ഉപയോഗിച്ച് ഒപ്പുവെക്കാന്‍ സാധിക്കില്ലെന്നും അതിനാലാണ് ഇടതു കൈയുടെ വിരലടയാളം പതിപ്പിച്ചതെന്നുമുള്ള ഡോക്ടറുടെ സാക്ഷ്യപത്രവും പത്രികയോടൊപ്പം വെച്ചിട്ടുണ്ട്. നാലിത്താണ് ജയലളിത തന്റെ വിരലടയാളം പതിപ്പിച്ചത്.