പുറം ലോകവുമായി ഒരു ബന്ധവുമില്ല, ജനാലകളില്ല, ശുദ്ധവായു ലഭിക്കുന്നില്ല, നിന്നു തിരിയാന്‍ പോലും ഇടമില്ലാത്ത കൂട്ടില്‍ കഴിയുന്ന ധ്രുവക്കരടിയുടെ മോചനത്തിനായി പ്രതിഷേധം ശക്തമാവുന്നു.

ചൈനയിലെ ഷോപ്പിങ് മാളിലാണ് ഈ കൊടുംക്രൂരത നടക്കുന്നത്. 'ലോകത്തെ ഏറ്റവും സങ്കടപ്പെടുന്ന ധ്രുവക്കരടി' ഇതായിരിക്കുമെന്ന വാക്കുകളോടെയാണ് സോഷ്യല്‍ മീഡിയയും മൃഗസ്‌നേഹികളും രംഗത്തെത്തിയിരിക്കുന്നത്.

ദക്ഷിണ ചൈനയിലെ ഗുവാങ്‌ഷോ നഗരത്തിലെ ഒരു മാളിലാണ് പ്രദര്‍ശനം ഒരുക്കിയിരിക്കുന്നത്. ചെറിയ ചില്ലുകൂട്ടില്‍ അടക്കപ്പെട്ട കരടി അതിനുള്ളില്‍ വീര്‍പ്പുമുട്ടി തലങ്ങും വിലങ്ങും ചാടുന്ന ദൃശ്യങ്ങളും വൈറലായിരിക്കുകയാണ്.

[caption id="attachment_152242" align="aligncenter" width="600"] GUANGZHOU, CHINA - JULY 27: Tourists look at polar bear "Pizza" at an aquarium in Grandview shopping mall on July 27, 2016 in Guangzhou, China. "Pizza" is the only live polar bear in south China's Guangzhou. (Photo by VCG/VCG via Getty Images)[/caption]

കരടിയെ രക്ഷിക്കണമെന്നാവശ്യപ്പെട്ട് ഗ്വാങ്‌ഡോങ് ഗവര്‍ണര്‍ക്ക് 50 മൃഗാവകാശ സംഘടനകള്‍ നിവദേനം നല്‍കിയിട്ടുണ്ട്. സമാനമായി മറ്റ് അഞ്ചൂറോളം മൃഗങ്ങളെയും ഇവിടെ പ്രദര്‍ശിപ്പിക്കുന്നുണ്ട്. പരസ്യമായി നടക്കുന്ന ഈ നിയമലംഘനം അധികൃതര്‍ കാണുന്നില്ലേയെന്നാണിവര്‍ ചോദിക്കുന്നത്.

മുന്‍പ് പരാതികളെത്തുടര്‍ന്ന് പ്രദര്‍ശനത്തിനെതിരെ നടപടിയുണ്ടായിരുന്നു. എന്നാല്‍ മൃഗങ്ങളെ സംരക്ഷിക്കുമെന്ന ഉറപ്പിന്‍മേലാണ് വീണ്ടും തുറന്നത്. പക്ഷെ, ഒരു സൗകര്യവും നല്‍കാതെയാണ് ഇപ്പോഴും ഇവിടെ മൃഗങ്ങളെ പ്രദര്‍ശിപ്പിക്കുന്നത്.