ജനീവ: ഇറാഖിലെ ഐ.എസ് കേന്ദ്രമായ മൗസില്‍ തിരിച്ചുപിടിക്കാനുള്ള നീക്കം ശക്തമായിരിക്കെ ഐ.എസ് ജനങ്ങളെ കവചമാക്കുന്നതായി റിപ്പോര്‍ട്ട്. 8000 കുടുംബങ്ങളെ ഐ.എസ് തട്ടിക്കൊണ്ടുപോയതായി ഐക്യരാഷ്ട്രസഭയുടെ മനുഷ്യാവകാശ വിഭാഗം പറഞ്ഞു. മനുഷ്യകവചമാക്കാനാണ് ഇവരെ തട്ടിയെടുത്തതെന്നും സ്ത്രീകളും കുട്ടികളുമാണ് ഇതിലേറെയെന്നും യു.എന്‍ പറഞ്ഞു.
കഴിഞ്ഞ ദിവസം മൗസിലിലും പരിസരത്തുമായി ഐ.എസ് 231 പേരെ വധിച്ചതായും യു.എന്‍ പറഞ്ഞു. മൗസിലിനുടുത്ത ഗ്രാമങ്ങളില്‍ നിന്നാണ് ബലമായി ആളുകളെ ഒഴിപ്പിച്ച് നഗരത്തിലേക്ക് ഐ.എസ് കൊണ്ടുപോയത്. ഈ മാസം 17നാണ് ഐ.എസ് നിയന്ത്രണത്തിലുള്ള മൗസില്‍ തിരിച്ചുപിടിക്കാന്‍ ഇറാഖ് സേന സൈനിക നീക്കം ആരംഭിച്ചത്.