കൃഷ്ണഗിരി (വയനാട്): കൃഷ്ണഗിരി ക്രിക്കറ്റ് സ്റ്റേഡിയത്തില്‍ നടക്കുന്ന രഞ്ജി മത്സരത്തില്‍ ജാര്‍ഖണ്ഡിനെതിരേ വിദര്‍ഭ പൊരുതുന്നു.
ആദ്യ ഇന്നിങ്‌സില്‍ 105 റണ്‍സിനു പുറത്തായ വിദര്‍ഭ രണ്ടാമിന്നിങ്‌സില്‍ മൂന്നു വിക്കറ്റ് നഷ്ടത്തില്‍ 315 റണ്‍സെന്ന നിലയിലാണ്. ആദ്യ ഇന്നിങ്‌സില്‍ എട്ടിനു 362 എന്ന നിലയില്‍ ജാര്‍ഖണ്ഡ് ഡിക്ലയര്‍ ചെയ്തിരുന്നു.
വെളിച്ചക്കുറവ് മൂലം കളി അഞ്ചോവര്‍ നേരത്തെ അവസാനിപ്പിച്ച മൂന്നാം ദിനത്തില്‍ അര്‍ധ സെഞ്ച്വറികളുമായി ഷൈന്‍വെയറും ആര്‍ ജന്‍ഗിദുമാണ് ക്രീസില്‍.
വിദര്‍ഭക്കായി ഓപണര്‍ സഞ്ജയ് രാമസ്വാമി സെഞ്ച്വറി നേടി (102). ക്യാപ്റ്റന്‍ ഫയിസ് ഫസല്‍ 59ഉം വിക്കറ്റ് കീപ്പര്‍ ബാറ്റ്‌സ്മാന്‍ ഗണേശ് സതീശ് 44 റണ്‍സുമായും പുറത്തായി.
ജാര്‍ഖണ്ഡിനായി ആശിഷ് കുമാര്‍, വികാസ് സിങ്, ഷഹബാസ് നദീം എന്നിവര്‍ ഓരോ വിക്കറ്റുകള്‍ വീഴ്ത്തി.