ലണ്ടന്‍: തന്റെ സമ്പത്തിന്റെ ഭൂരിഭാഗവും മക്കള്‍ക്ക് നല്‍കാതെ ജീവകാരുണ്യപ്രവര്‍ത്തനത്തിന് ഉപയോഗിക്കുന്നതിന്റെ കാരണം അവര്‍ക്കറിയാമെന്ന് മൈക്രോസോഫ്റ്റ് സ്ഥാപകന്‍ ബില്‍ഗേറ്റ്‌സ്.
അമേരിക്കയിലെ ഒരു ടി.വി ചാനല്‍ ചര്‍ച്ചയിലാണ് അദ്ദേഹം ഇക്കാര്യം വ്യക്തമാക്കിയത്. വലിയ സാമ്പത്തിക സൗകര്യമൊരുക്കി കൊടുക്കുന്നത് അവരുടെ സ്വാഭാവികതയെ തകര്‍ക്കും. അവര്‍ അവരുടെ വഴി നിര്‍മിക്കട്ടെ. സമ്പത്ത് ബില്‍ ആന്‍ഡ് മെലിന്‍ഡ ഫൗണ്ടേഷനിലൂടെ ജീവകാരുണ്യ പ്രവര്‍ത്തനങ്ങള്‍ക്ക് നല്‍കിയതില്‍ മക്കള്‍ അഭിമാനിക്കുന്നുവെന്നും അദ്ദേഹം പറഞ്ഞു.
81.7 ബില്യന്‍ ഡോളര്‍(ഏകദേശം അഞ്ചു ലക്ഷം കോടി രൂപ) സമ്പത്തുള്ള ബില്‍ഗേറ്റ്‌സ്- മെലിന്‍ഡ ദമ്പതികള്‍ക്ക് മൂന്ന് പെണ്‍മക്കളാണുള്ളത്.