കോഴിക്കോട്: കുടുംബശ്രീ കോഴിക്കോട് ജില്ലാ മിഷനും ജിസം ഫൗïേഷനും സംയുക്തമായി സംഘടിപ്പിക്കുന്ന എന്റെ തൈ,പുതുമുറ്റത്തൊരു വൃക്ഷം എന്നീ പദ്ധതികളുടെ ഉദ്ഘാടനം ചൊവ്വാഴ്ച നടക്കും.
ഗ്രീന്‍ ക്ലീന്‍ കോഴിക്കോട്-ഹരിതപുരസ്‌കാരം സമ്മാനപദ്ധതിയോടനുബന്ധിച്ചാണ് പുതിയ പദ്ധതികള്‍ ആവിഷ്‌കരിക്കുന്നത്.
ഓരോ കുടുംബത്തിലേയും കുടുംബാംഗങ്ങളുടെ എണ്ണത്തിന് തുല്യമായ വൃക്ഷത്തൈകള്‍ ഗ്രോ ബാഗില്‍ നട്ട് അതിനൊപ്പം നില്‍ക്കുന്ന ഫോട്ടോ അപ്‌ലോഡ് ചെയ്യുന്ന എന്റെ തൈ പദ്ധതി സിവില്‍ സ്റ്റേഷനില്‍ വച്ച് ജില്ലാ പഞ്ചായത്ത് പ്രസിഡന്റ്് ബാബു പറശ്ശേരി ഉദ്ഘാടനം ചെയ്യും.
ജില്ലയില്‍ ഇപ്പോള്‍ നിര്‍മാണം നടന്നു കൊïിരിക്കുന്ന കെട്ടിടത്തിന്റേയോ വീടിന്റേയോ മുറ്റത്ത്് വൃക്ഷത്തൈ നടുന്ന ഫോട്ടോ അപ്‌ലോഡ് ചെയ്ത് നറുക്കെടുപ്പിലൂടെ സമ്മാനം നേടാവുന്ന 'പുതുമുറ്റത്തൊരു വൃക്ഷം' പദ്ധതിയുടെ ഉദ്ഘാടനം കലക്ടര്‍ എന്‍. പ്രശാന്ത്് നിര്‍വഹിക്കും.
വാര്‍ത്താ സമ്മേളനത്തില്‍ കുടുംബശ്രീ ജില്ലാ-കോഡിനേറ്റര്‍ സൈദ് അക്ബര്‍ ബിദ് ഷാ ഖാന്‍, നാസര്‍ ബാബു,ശോഭീന്ദ്രന്‍ മാഷ്, ജിസം എക്‌സിക്യൂട്ടീവ് ഡയറക്ടര്‍ മുഹമ്മദ് ഇഖ്ബാല്‍ ,ഡോ. യഹ്‌യാ ഖാന്‍,ഇസ്മായില്‍ മാസ്റ്റര്‍ പങ്കെടുത്തു.