കാലടി: കാലടി പഞ്ചായത്ത് ഓഫിസിനു സമീപം പാര്‍ക്ക് ചെയ്തിരുന്ന ബൈക്കിലിരുന്നു കഞ്ചാവ് വില്‍പന നടത്തിയ രണ്ടു പേരെ പൊലിസ് അറസ്റ്റ് ചെയ്തു.
ചെങ്ങല്‍ പടയാട്ടി മാര്‍ട്ടിന്‍ (പോട്ടി മാര്‍ട്ടിന്‍ 45), കുന്നുകര ചാലയ്ക്ക തച്ചരുപറമ്പില്‍ ഉണ്ണിക്കൃഷ്ണന്‍ (45) എന്നിവരെയാണ് അറസ്റ്റ് ചെയ്തത്. മാര്‍ട്ടിന്‍ വിവിധ ക്രിമിനല്‍ കേസുകളിലെ പ്രതിയും ഗുണ്ടാ നിയമപ്രകാരം തടവു ശിക്ഷ അനുഭവിച്ചിട്ടുള്ളയാളുമാണ്.
കാലടി പ്രദേശത്തെ കോളജ്, സ്‌കൂള്‍ പരിസരങ്ങളില്‍ ലഹരിമരുന്നു വില്‍പന നടത്തുന്നതു തടയുന്നതിനുള്ള സ്‌പെഷ്യല്‍ റെയ്ഡ് നടത്തുന്നതിനിടെയാണ് ഇവര്‍ പിടിയിലായത്. സി.ഐ സജി മാര്‍ക്കോസ്, എസ്.ഐ നോബിള്‍ മാനുവല്‍, എ.എസ്.ഐമാരായ വി.ഡി.ജോര്‍ജ്, ബോസ്, എസ്.സി.പി.ഒമാരായ മുഹമ്മദ് ഇക്ബാല്‍, അബ്ദുല്‍ സത്താര്‍, വില്‍സന്‍ എന്നിവരടങ്ങിയ പൊലീസ് സംഘമാണു പ്രതികളെ പിടികൂടിയത്.