റിയാദ്: റിയാദില്‍ വാഹനാപകടത്തില്‍ വിദ്യാര്‍ഥിനി മരിച്ചു. തിരുവനന്തപുരം കഞ്ഞിപള്ളി പന്തിരുവേലില്‍ സ്വദേശി ജോബിയുടെയും റിയാദ് ശുമൈസി ആശുപത്രിയില്‍ നഴ്‌സായ ദീപയുടെയും മകളായ ആല്‍വിയ (8) ആണ് മരിച്ചത്. റിയാദ് അല്‍ ആലിയ സ്‌കൂള്‍ രണ്ടാം ക്ലാസ് വിദ്യാര്‍ഥിനിയാണ് ആല്‍വിയ. വ്യാഴാഴ്ച ഉച്ചക്ക് ജോബിയുടെ ഭാര്യ സഹോദരിയെ കാണാന്‍ അല്‍ബാഹയില്‍ പോയി മടങ്ങി വരുന്ന വഴിക്ക് അല്‍ റിയാന്‍ ബിഷ റൂട്ടില്‍ വച്ചാണ് അപകടം. പിതാവ്: ജോബി, ഭാര്യ: ദീപ, സഹോദരന്‍: ആല്‍വിന്‍ എന്നിവര്‍ അത്ഭുതകരമായി രക്ഷപ്പെട്ടു.