ആലപ്പുഴ: എസ്.കെ.എസ്.എസ്.എഫ് ഇര്‍ഷാദ് ക്ലസ്റ്ററിന്റെ ആഭിമുഖ്യത്തില്‍ സംഘടിപ്പിക്കുന്ന മജ്‌ലിസുന്നൂര്‍ വാര്‍ഷികവും ദുആ സംഗമവും ഇന്ന് നടക്കും. വലിയമരം ഐ.എം.എ ഓഡിറ്റോറിയത്തില്‍ വൈകിട്ട് 6.15ന് നടക്കുന്ന പരിപാടിക്ക് പ്രമുഖ സൂഫീ വര്യന്‍ ഏലംകുളം ബാപ്പു മുസ്ലിയാര്‍ നേതൃത്വം നല്‍കും.
സയ്യിദ് അബ്ദുല്ലാഹ് ദാരിമി അല്‍ ഐദറൂസി , സമസ്ത ജില്ലാ പ്രസിഡന്റ് സി.മുഹമ്മദ് അല്‍ ഖാസിമി എന്നിവര്‍ സംബന്ധിക്കും. മഹല്‍ ഖത്തീബുമാര്‍, മാനേജ്‌മെന്റ് പ്രതിനിധികള്‍, മത സാമൂഹിക രംഗത്തെ പ്രമുഖര്‍ പങ്കെടുക്കുമെന്ന് ചെയര്‍മാന്‍ എം.ബാബു, ജനറല്‍ കണ്‍വീനര്‍ ബി.നസ്‌റുദ്ദീന്‍ എന്നിവര്‍ അറിയിച്ചു.