അമ്പലപ്പുഴ പോലീസാണ് അരി പിടികൂടിയത്. ഓച്ചിറ പോലീസ് നല്‍കിയ വിവരത്തിന്റെ അടിസ്ഥാനത്തില്‍ രാത്രി 11 ഓടെ കെ എല്‍ 11 എ9776 എന്ന മിനിലോറി പിടികൂടിയത്.കൊല്ലം ആയൂരില്‍ നിന്ന് മൂവാറ്റുപുഴ യിലെ മൊത്ത വ്യാപാരിക്ക് നല്‍കുവാനായി കൊണ്ടുപോയ അരിയാണിതെന്ന് ഡ്രൈവര്‍ മൂവാറ്റുപുഴ സ്വദേശിയായ പുള്ളിക്കടയില്‍ ബഷീര്‍ പറഞ്ഞു.
ആയൂരില്‍ നിന്ന് ഷെമീര്‍ എന്ന വ്യാപാരിയാണ് അരി വാഹനത്തില്‍ കയറ്റി വിട്ടത്. ചാക്കില്‍ എഫ് സി ഐ യുടെ സീലും സ്ലിപ്പും ഉണ്ട്. അരി കടത്തിയതില്‍ സിവില്‍ സപ്ലൈസ് വകുപ്പിന്റെയും എഫ് സി ഐയുടെയും പങ്ക് പോലീസ് അന്വേഷിക്കുന്നുണ്ട്.
പിടിച്ചെടുത്തത് സപ്ലൈസ് വകുപ്പ് ഉദ്യോഗസ്ഥര്‍ റേഷനരി യാണെന്ന് സ്റ്റേഷനിലെത്തി ഉറപ്പിച്ചു. ഡ്രൈവര്‍ സമീറിനെ കോടതിയില്‍ ഹാജരാക്കി.